لـطـيـــــف ؒ جـــــــي لات ؛ جن جِي سَيدَ لَڄَ کَنئِي، سي سڀ لَنگھيندا لَڪيُون.

سُتا  سَڀِ پَـئِي،   سَندي    مُعلِمَ      آسري؛
اَئِين    پڻ سُمهو،   ناکُـئا!      بَندَرِ ناه ڀَــئِي؛
جن جِي سَيدَ لَڄَ کَنئِي، سي سڀ لَنگھيندا لَڪيُون.

سڀيئي مسافر پنهن جي استاد (ڪامل مرشد)جي آسري سمند ۾بي خوف ٿي سمهي پيا،اوهان به اي ٻيڙيون هلائيندڙو!مطئمن ٿي سمهي پئو جو بندر تائين پهچڻ ۾ ڪو خوف خطرو نه آهي.جن جو ذمو سيد (محبوب مدني صه ) کنيو آهي اهي رستي جون سڀ رڪاوٽون آرام سان اڪري پار پهچي ويندا!