هڪڙي ڏينهن ملا نصيرالدين منبر تي وعظ ڪرڻ پهچي ويو ۽ هن حاضرين
کان پڇيو؛ توهان کي خبر آهي ته آئون اوھان کي
ڇا ٻڌائڻ وارو آهيان ؟ ماڻهن چيو ته: اسان کي ڪابه خبر نه آھي. ملا نصيرالدين
اهو ٻڌي بنان تقرير جي منبر تان هيٺ لٿو ۽
چوڻ لڳو ؛ مون کي ٻڌايو ته جڏهن توهان کي ڪا خبر ئي نه آهي ته اهڙن بيخبر ماڻهن کي ٻڌائي آئون پنهن جو وقت ڇو ضايع ڪريان!
ٻئي ڏينهن تي ملا نصيرالدين وري ممبر تي پهتو ۽ چوڻ لڳو ؛ ڇا توهان کي خبر آهي ته آئون اوھان
کي ڇا ٻڌائڻ وارو آهيان؟ پهرئين ڏينهن جي تجربي
کي سامهون رکندي ماڻهو چوڻ لڳا ته ؛ ها، اسان
کي خبر آهي جيڪي تون اسان کي ٻڌائڻ چاهين ٿو.اهو جواب ٻڌي ملا وري ممبر تان لهي پيو
۽ چوڻ لڳو؛ جڏهن جيڪي آئون اوهان کي ٻڌائڻ گھران ٿو ان سڀ جي اوهان کي اڳيئي خبر آهي
ته پوء باقي منهن جي ٻڌائڻ جي ڪهڙي ضرورت !
ٽئين ڏينهن هو وري منبر
تي پهچي ويو ۽ اهو ساڳيوسوال ورجايائين ، ماڻهن کي ڇوته پهرين ٻن ڏينهن جي جوابن منجھائي
۽ بتال ڪري رکيو هو سو اهي اڄ ڪو هڪڙو جواب ڏيڻ ۾ منجھي پيا.هڪڙن چيو ته ؛ اسان کي
خبر آهي جڏهن ته ٻين چيو؛ اسان کي خبر ناهي.
ملا نصيرالدين اهو ٻڌي ممبر تان لٿو ۽ چوڻ لڳو؛ جڏهن هڪڙن کي
خبر آهي ته پوء اهي باقي ٻين کي به ٻڌائي ڇڏين.
مون کي اجايو مٿو هڻڻ ۽ ٻڌائڻ جي ڪهڙي ضرورت آهي!!!
No comments:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔تبصرو موڪليو
پنهن جي راء هتي لکو