شفيق شاڪر
خدا پاڪ جون نشانيون ڪائنات ۾ هر طرف پکڙيل آهن.انهن عظيم
نشانين رنگ برنگي گل، ٻوٽا ۽ وڻ به شامل آهن.انهن مان ڪجھ عجيب ۽ نرالن وڻن جي
باري ۾ توهان کي ٻڌائينداسين. آمريڪي
رياست ڪيليفورنيا جي جبلن ۾ پيدا ٿيندڙ
ڊگھو “ گيانٽ سيڪوئيا Giant sequoia” وڻ دنيا جي
سڀني وڻن مان وڏي۾ وڏو وڻ شمار ٿئي ٿو.جنهن جي ڊيگھ 320 فوٽن تائين ۽ ان جي ٿڙ جي
گولائي 110 فوٽن تائين ٿئي ٿي.ان جو ڪل وزن 6000 ٽنن کان به مٿي ٿئي ٿو.يو سي
مائونٽ نيشنل پارڪ ۾ ان وڻ جو ٿڙ ڪٽي ان جي اندران روڊ گذاريو ويو آهي.اهڙو ئي هڪ
ٻيو وڻ
“ ريڊوڊ” آهي جنهن جي ڊيگھ 360 فٽ آهي. اهي ٻنهي قسمن جا وڻ
صرف آمريڪي رياست ڪيليفورنيا ۾ ئي ملن ٿا.انهن جي عمر ڏيڍ هزار سالن کان مٿي ٻڌائي
وڃي ٿي. آفريڪا ۾ پيدا ٿيندڙ هڪ وڻ “ با.ئو بابا” دنيا جو ٿلهي ۾ ٿلهو وڻ آهي جنهن
جي ٿڙ جي ٿولھ 50 کان 70 فٽ ٿئي ٿي.جنهن ۾ اڇا گل هوندا آهن جيڪي صرف رات جو ٽڙندا
آهن.انهيء وڻ ۾ پيلي رنگ جو ميوو به ٿيندو آهي جنهن کي کٽو ڪدو ۽ “باندرن جي ماني”
به چئبو آهي.اهو ميوو کائڻ ۽ مختلف شربتن جا رس ٺاهڻ لاء استعمال ٿئي ٿو.هڪ
ٻيو چيني وڻ “گنکگو” دنيا جي پراڻن کان پراڻن
وڻن ۾ شمار ٿئي ٿو جنهن جي ڊيگھ 50 کان 60 فٽ ٿئي ٿي.ان جو ٻج دوائن ۾ ڪم آندو وڃي
ٿو. “ برگد” يا “ بڙ” به هڪ عجيب وڻ آهي جيڪو پاڪستان ۾ عام آهي.هي دنيا جو اڪيلو
وڻ آهي جنهن جي ڏاڙهي يا شاخون واپس زمين تي پهچي هڪ نئين وڻ جي صورت اختيار ڪن
ٿيون.
No comments:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔تبصرو موڪليو
پنهن جي راء هتي لکو