مدنيء ﷺ جا موتي ؛ تڪليف جي وقتن ۾ ڪامل وضو ڪرڻ

وعن أبي هريرة قال : قال رسول الله صلى الله عليه وسلم قال : ( ألا أدلكم على ما يمحو الله به الخطايا ويرفع به الدرجات ؟ " 

قالوا بلى يا رسول الله قال : " إسباغ الوضوء على المكاره وكثرة الخطى إلى المساجد وانتظار الصلاة بعد الصلاة فذلكم الرباط ".

   ابو هريره ﷦کان روايت آهي ته رسول اللهﷺ جن فرمايو ته ڇا اوهان کي اهڙو عمل نه ٻڌايان، جنهن سان الله تعاليٰ اوهان جا گناه ميٽي ۽ ان سان اوهان جا درجا مٿاهان ڪري؟ اصحابن چيو ته ” اي الله جا رسول هائو (ضرورٻڌايو) فرمايائون ته تڪليف جي وقتن ۾ ([1]) ڪامل وضو ڪرڻ ۽ مسجدن ڏانهن گهڻا قدم ([2]) ۽ هڪ نماز کان ٻي نماز جو انتظار ڪرڻ ([3]) اهو توهانجو رباط آهي.([4])

---

[1] _ تڪليف جا وقت هي آهن: 1_بيماريءَ ۾، سياري جي سخت سرديءَ ۾.

[2] _ يعني مسجد پري هجڻ جي حالت ۾ به اچڻ.

[3] _ يعني هڪ نماز پڙهي ٻي لاءِ مسجد ۾ ويهي رهي پر جيڪڏهن ٻاهر وڃي ته به دل ۾ مسجد ۾ اچڻ جو اونو رکي.

[4] _ ”رباط“ هن کي چئبو آهي جو اسلام جي سرحد تي دين جي دشمنن جي مقابلي لاءِ ويٺو رهي، مبادا دشمن سرحد ٽپي اچن. انهي ۾ وڏو ثواب آهي. رسول الله ﷺ جن فرمايو آهي ته نماز لاءِ انتظار ڪري ويهڻ به در حقيقت هڪ طرح جو ”رباط“  آهي. ڇو ته جيئن سرحد تي ڪافرن جي مقابل ۾ بيهبو آهي، تيئن هتي مسجد ۾ دين جي وڏي دشمن شيطان جي مقابلي ۾ بيهڻو پوي ٿو. انهيءَ ڪري رسول الله ﷺ جن رباط جي لفظ کي 3_دفعا تڪرار يعني تاڪيد سان آندو آهي.